(spominjojnje na gospu od kormena 1952)

 

Fjera[2]

Gospe od  Kormena[3]

Frmento[4] nosi bandiru[5]

dica za njin

Pere Gazdar zamotone tikve

šćopima[6] tuče dicu

da budu mirni

 

AVA MARIJA

prisjecun zastane

pivoči[7] pivaju

 

došli smo na kantun[8]

svetega onte

puhnu meštrol

oboli Frmentota

koji se i onako teturo

pala bandira na crikvicu

a Fmento pod crikvicu

sto prisjecun

nikor skoče

vazimje bandiru

gremo naprid

 

a di

daje se ne more

policjoti ne dodu priko rive

svrće se u kalu[9]

Mote Stopo iz kamenice pivo

OBRATI MILA MAJČICE

IZGUBJENE SVE

 

kraj Belota[10]  ne dodu prema rivi

svrću nas pud crikve

ko da smo ovce...

.... mladost hoće balat[11]

fjera je

na rotondi di je bi stori mlin

ni bilo bala

nastala je potuka...

 

ajme grube  fjere

 

...

pedeset godišć posli

gre prisjecun

puno svita nas gledo

ko da smo niki mirokul

iz sridnjega vika

deboto[12] svita vonka[13] ko

i u prisjecunu..

slikoju

goli

ližu sladoled

sidu za stolon

nikor viče

tovari dignite se...

 

ajme grube  fjere

 

a meni bi bilo dražje čut

storega Motu Stopu

di iz kamenice pivo

OBRATI MILA MAJČICE

IZGUBJENE SVE

 

 

 

---

[1] procesija

[2]  proštenje, crkveni god

[3]  Gospa karmelska

[4]  nadimak jednog čovjeka

[5]  procesijska zastava

[6] štapovima

[7] pjevači

[8] ugao, kut

[9] uličica

[10] obiteljski nadimak

[11] plesat

[12]  skoro

[13] izvan