Rušenje crikvice

uz grodnju i otvorenje nove pjace 2007.


 

 

 

pokli su uklonuli

mlin na vitar

na rotu

i peškariju[1]

od bilega kamena

sa lipin gvozdenin vrotiman

sve ono če je bilo vridno i kulturno

komunisti u mistu rušu

......

poteštoti[2] od mista

partijoši

zakjučiju

uklonit rakinicu[3]

to i učinili

 

nestala je rakinica

i prid njon kamenica

u kojoj je sidi Mote Stopo

i iz koje je pivo

 

sad je došo na red i sveti Onte

vajo srušit

stora je

smeto nan

za napravit novu "tržnicu"

 

i napravila se "radna akcija"

ili ti fašina

 

skupilo se dosta svita

sa mašklinima[4]

sa motikima i mašurima

sa macima

i puntaljurima

 

ala rušte

pado zapovid

 

.....

 

ništa

 

...beštimja[5]

........

 

 

 

 

 

rušte...

svetega van Ontu

 

....

ala ti

....

neću jo prvi

.....

ala ti

 

....

 

i tako nikor ni ti prvi

a patrtijoši beštimaju

ma nisu ni oni tili prvi

udrit maškinon ili macon...

 

i tako je crikvica

svetoga Onte

ostala

i stoji danas

 

i jedino je priživila

komunističko  rušenje

 

zbog stroha da

ga na mistu

sveti Onte

ne sapne

Bog ne kaštiogo

 

a brž[6]

i zbog vire

u Boga

i svetega ontu

 


[1] ribarnica

[2] poglavari

[3] mjesto za pečenje rakije

[4] vrste alata

[5] psovka

[6] možda