on je

ni on

 

bi je

ni bi

 

vidi san ga

nison ga vidi

 

dobar je

zol je

 

pošten je

pokvoren je

 

od riči je

ni od riči

 

čovik je

ni čovik

 

ma je si vidi

ko bi se nodo

 

ma čo govoriš

ma bit će ga

 

je istina je

ma svašta govoru

 

vokov je

nakov je

 

voli ženske

a jesi sigur

ne bi se to nodo od njega

ma kako je lipo bilo

 

božji je

vražji je

 

i tako slušon sve o meni

svi sve znaju

 

a nikor ništa ne zno

 

mMoj pokojni profešur je govori

„Gospodine Bože fali ti što nisam kao ostali ljudi"

a jo bi reko i popi

i nikor ne zno ča san jo

jer jo san somo jo

 

somo ti znoš koji si me

vakovega stvori

 

fola TI!