PO[1]  JE SPLIT

 

spominjen se

hodi san

sa mamon

u nonota

došli smo

na početak kale[2]

jedon vojnik

govori mami

rec ocu

da je po split

 

a jo

jedva

godišće ipo

gren

s mamon

drži me za ruku

okrićen se

da vidin kako je

to po split.

 

znon kad jo poden[3]

da boli

i da mi krvi

gre

 

a kako to kuća

more past

i je njoj more krv

ko meni hodit

 

         .....

 

puno je

godišć pasalo

dok san kapi[4]

da su ga

partizani

okupirali

 

i da je

puno krvi

poteklo

i ne somo

u splitu

nego i svuda

 

i oni ča su

na daksi[5]

dubrovčane klali

spliton su komandirali

i komandiraju

danas

.....

a sada priti

veliki perikul[6]

da opet split ne pode

i ne somo split

nego i sva rvocko

bez

riči

bez kapje krvi

u žvale[7] evrope

zbog  šporkega interesa

 

SVETI DUJE UČIN ČUDO

JER ĆE DU TI I

KAMPANEL PRODAT

 

---

 

[1] pao

[2] ulice

[3] padnem

[4] shvatio

[5] Daksa - otok kod Dubrovnika

[6] opasnost

[7] ralje